Treten Sie hier in Kontakt mit Ausdrücken, die in den 5 rätoromanischen Idiomen und im Rumantsch Grischun verwendet werden, mit Wendungen verschiedener italienischer Dialekte des Grigionitaliano, mit schweizerdeutschen Redensarten oder mit regionalen Ausdrucksweisen des Westschweizer Französisch. Lesen Sie sich ein, hören Sie aufmerksam zu… und Sie werden schon bald Viersprachig sprechen!
Il rumantsch cumpiglia tschintg idioms: sursilvan, sutsilvan, surmiran, puter e vallader. Il 1982 han ins ultra da quai creà il rumantsch grischun, ina lingua che sa basa per gronda part sin ils idioms surmiran, sursilvan e vallader e che serva tranter auter a la chapientscha tranter la Confederaziun e la populaziun da lingua rumantscha. Sin questa website chattais Vus in pèr da las locuziuns dal cudesch, registradas da collavuraturs da Radiotelevisiun Svizra Rumantscha (RTR). Bun divertiment cun empruvar da pronunziar las locuziuns en in auter idiom che l’agen.
Betg mintgin sa che la Svizra taliana cumpiglia era quatter vals en il chantun Grischun, numnadamain la Val Calanca, la Mesolcina, la Bregaglia ed il Puschlav, ch’ins numna tuttas ensemen er il Grigionitaliano. Cun in pèr locuziuns tipicas dals dialects da questa regiun as preschentain nus qua veritablas perlas linguisticas.
Enconuschais Vus anc autras locuziuns ch’èn tipicas per il Grigionitaliano? Nus avessan plaschair, sche Vus las tramettessas ad info@pgi.ch
Co discurran atgnamain ils umans da la Svizra franzosa? Savevas Vus ch’i dat locuziuns ch’ins dovra per franzos mo en questa regiun? En il cudesch Ün viadi e 4 servezzans pudais Vus leger che p.ex. las locuziuns Ne pas se prendre pour la queue de la poire (esser arrogant) ed Y a pas le feu au lac (i na fa nagina prescha) èn unicats da la Svizra franzosa (cliccar qua per leger extracts dal cudesch). Per la website quadrilings.ch ha Marine Borel, linguista oriunda da Neuschatel, tschertgà sis locuziuns tipicas per la Svizra franzosa e – sco salid da sia patria – duas locuziuns ch’ins dovra mo en il chantun da Neuschatel. Enconuschais Vus quellas? En mintga cas n’avais Vus ussa nagina stgisa pli la proxima giada che Vus visitais la Svizra franzosa.
Forsa savais Vus discurrer perfetgamain tant franzos e chapis era tut ils dialects dal tudestg svizzer, ma Vus stuais conceder ch’i n’è betg uschè simpel per in uman ordinari dad adina differenziar cun segirtad in dialect dal tudestg svizzer d’in auter. Tgi che sa perda en il Baslerdütsch, il Lozärnerdütsch u il Wallisertitsch chatta qua agid. Dai in’egliada sin la glista suandanta, scuvri las differenzas e tscherni Voss dialect preferì.
Website realisada cun il sustegn da:
