© DynamicFrameworks - Elite ThemeForest Author.

L’INSTRCUZIUN DA LINGUAS OR D’INA PERSPECTIVA PLURILINGUA

Pervia dal potenzial didactic dal cudesch Ün viadi e 4 servezzans ans parevi da bell’entschatta da porscher era material per l’instrucziun che cumplettescha il cudesch. Per quest motiv mettain nus a disposiziun gratuitamain fegls da lavur didactics (concepids sco project da pilot) a las scolas primaras e secundaras da la Svizra tudestga e franzosa. Quest material po vegnir utilisà en l’instrucziun dal talian sco lingua estra. Vi auguriamo tanto piacere!

Stgalim primar

Stgalim secundar

Concepziun dal material didactic:

quadrilingui_cdlli1

Prof. Dr. Vincenzo Todisco
professura speziala per la didactica plurilingua integrada (SAPGR)

Vincenzo Todisco, scriptur grischun cun ragischs talianas, è naschì il 1964 a Stans e viva oz a Razén. El ha studegià litteratura e linguistica taliana e franzosa a l’Universitad da Turitg ed è oz professer a la Scola auta da pedagogia dal Grischun. Dal 1998 fin il 2003 ha el redigì ils Quaderni grigionitaliani. El è vegnì undrà cun differents premis, tranter auter il 2005 cun il Premi grischun da litteratura.

valeria

Valeria Manna
collavuratura scientifica (PHGR)

Valeria Manna vegn dal Tessin. Suenter sia scolaziun da magistra primara ha ella fatg il master da pedagogia a l’Universitad da Turitg. Il mument promovescha ella a l’Universitad da Berna ed è a medem temp collavuratura scientifica da la professura speziala per la didactica plurilingua integrada e mentura en il departament per la scolaziun pratica professiunala a la Scola auta da pedagogia dal Grischun.

francesca

Francesca Cangemi
docenta da didactica dal talian (PHGR)

Francesca Cangemi, naschida il 1967 a Cuira, abita oz ad Aarburg. Ses geniturs derivan da l’Italia. Ella ha studegià litteratura taliana e biologia a l’Universitad da Turitg. Dal 1994 fin il 2005 ha ella instruì biologia e talian sco secunda lingua a la Scola chantunala grischuna. Dapi il 2005 è ella docenta da talian a la Scola auta da pedagogia dal Grischun.

quadrilingui_cdlli2

Prof. Dr. Stefano Losa
manader dal Centro competenze lingue e studi sul plurilinguismo (SUPSI/DFA)

Stefano Losa è naschì il 1974 a Berna e creschì si a Verscio, Centovalli, damanaivel da Locarno. Suenter ses studi da sociologia ed antropologia ha el promovì en sociologia a l’Universitad da Genevra. Sia perscrutaziun tracta tranter auter la plurilinguitad e la communicaziun en il rom scolastic ed instituziunal.

quadrilingui_cdlli3

Daniela Kappler
collavuratura scientifica (SUPSI/DFA)

Daniela Kappler ha studegià litteratura e linguistica orientala a l’Universitad Ca’ Foscari di Venezia. L’accent ha ella mess sin la didactica da las linguas modernas. Ella ha gronda experientscha en las domenas instrucziun, translaziun ed interpretaziun, furmaziun interculturala e plurilingua e svilup da material didactic per las scolas.

Instituziuns partenarias

Quest project è vegnì realisà en il rom dal Centro di didattica della lingua e della letteratura italiana (CDLLI).

Oz sa fa valair in’avischinaziun pli e pli communicativa, interdisciplinara ed interculturala che resguarda era la presavida da las scolaras e dals scolars e che nus pudain posiziunar sco «didactica da la plurilinguitad». En quest senn signifitga emprender linguas era far patratgs davart las differenzas che caracteriseschan las singulas linguas. Las scolaras ed ils scolars sviluppan ina conscienza linguistica ed emprendan da scuvrir las sumeglientschas e las differenzas da las linguas. Quests aspects èn in’impurtanza speziala en in pajais pluriling sco la Svizra che chapescha l’instrucziun da linguas era sco element da la coesiun naziunala.
Prof. Dr. Vincenzo Todisco
professura speziala per la didactica plurilingua integrada (PHGR)

IT | DE | FR | RO