‘Esser sin Soloturn’

Definiziun: esser sturn
Exempel: « Quand il est arrivé à Travers, il était déjà complètement sur Soleure. »
«Cura ch’el è arrivà a Travers, era el gia cumplettamain sin Soloturn.»

Savevas Vus gia? Pli baud schev’ins avoir chargé pour Soleure (‘avair chargià per Soloturn’). La locuziun va enavos sin ils butschins da vin ch’ins transportava a Soloturn cun il bastiment – e dals quals ils mariners sa lubivan da baiver in u l’auter sitg.

‘Betg tutgar il puck’

Definiziun: betg chapir, betg pudair suandar (p.ex. ina discussiun, explicaziuns)
Exempel: « J’ai eu beau me concentrer, je n’ai pas touché le puck de toute la leçon. »
«Jau hai gì fadia da ma concentrar. Jau n’hai betg tutgà il puck l’entira lecziun.»

Savevas Vus gia? En Svizra franzosa dovr’ins era la locuziun avoir reçu le puck (‘avair survegnì il puck), sch’ins è distract. Il puck da hockey numn’ins en Svizra franzosa «puck», en Frantscha «palet» ed a Quebec «rondelle».

‘Far pugn en satg’

Definiziun: supportar, vertir (p.ex. ina situaziun difficila u las manieras indecentas d’ina persuna) senza sa lamentar u dar enavos
Exempel: « Pendant des années, j’ai fait le poing dans ma poche ; mais maintenant, j’en ai assez, je vais lui dire ma façon de penser ! »
«Onns a la lunga hai jau fatg pugn en satg. Ma ussa basti, ussa al di jau tge che jau pens.»

Savevas Vus gia? Er en la Lorena exista la locuziun faire le poing dans sa poche, ma là dovr’ins ella, sch’ins  smanatscha insatgi adascus. En Svizra franzosa ed en Svizra rumantscha han ins surpiglià la locuziun directamain dal tudestg e dovra ella per franzos en questa moda exclusivamain là.

‘Ir cun velo en il jogurt’

Definiziun: far nagins progress, star airi, fruntar sin difficultads che impedeschan in svilup (p.ex. durant la realisaziun d’in project).
Exempel: « Je dois rendre mon travail de fin d’études d’ici la fin du mois, mais je n’arrive à rien, je pédale dans le yogourt. »
«Jau stoss dar giu mia lavur da finiziun la fin dal mais, ma jau na vegn betg vinavant, jau vom cun velo en il jogurt.»

Savevas Vus gia? En Frantscha van ins cun velo plitost en il crut asch (pédaler dans la choucroute) u en la buglia da semulina (pédaler dans la semoule).

‘Tegnair ils poleschs per insatgi’

Definiziun: dar sustegn moral ad insatgi, esser cun insatgi, giavischar bun success ad insatgi
Exempel: « Merde pour ton examen ! Je te tiens les pouces ! »
«Bun success per tes examen. Jau tegn ils poleschs!»

Savevas Vus gia? La varianta franzosa e dal reminent era la varianta rumantscha da questa locuziun derivan directamain dal tudestg, là hai num «smatgar» u «tegnair» il polesch. En Frantscha din ins plitost croiser les doigts pour qqn (‘Die Finger für jdn. kreuzen’).